政情:師徒反目陳少棠借力對抗葉傲冬

字体 -

區議會一向係建製派嘅天下,不過淨係議席多並唔足夠,若果建製派之間唔齊心,隨時「陰溝裏翻船」。政界傳聞,油尖旺區議會主席葉傲冬同前黨友兼「師傅」陳少棠,因為爭做區議會主席而反目成仇,最終陳退黨收場,而兩人之間嘅鬥爭近日更有白熱化趨勢。據聞陳少棠唔單止拒絕出席葉傲冬搞嘅公事飯局,更聯合民主派一齊對抗葉傲冬,今次真係籠裏雞作反。

據了解,葉傲冬同陳少棠之間嘅恩怨源於今屆區議會主席之爭。本身係民建聯九龍西支部主席嘅陳少棠,原本以為自己穩坐區議會主席之位,點知畀徒弟葉傲冬打敗咗,兩人因而結怨,心生不忿嘅陳少棠更加退埋黨,加入另一建製政黨經民聯。
不過陳少棠退黨之後並冇因此息怒,仲不時同葉傲冬對著幹。好似油尖旺區議會年初曾經討論,喺農曆年初一至初三於旺角麥花臣球場舉辦熟食墟市,當時主流建製反對建議,但陳少棠就連同其他建製派議員及民主派議員投票支持有關建議,令議案差一票就險獲通過。
陳希望拉攏民主派
近日陳少棠又有動作,據了解,葉傲冬開區議會前都會約各甘某雲還根據易某提供的人員名單和相對應的金額為易某開具了偽造的該銀行高息存單區議員和民政事務處官員食飯,陳少棠唔單止拒絕出席,更另搞飯局,有至少三個建製派區議員亦同陳少棠同一陣線。知情人士話,除咗建製派,陳少棠亦打算同區內民主派聯手,希望透過飯局拉攏佢哋嘅支持,令葉傲冬喺處理區議會事務時受製。
九年前,葉傲冬參加補選而躋身油尖旺區區議員,當時身為民建聯資深區議員嘅陳少棠,曾幫葉傲冬熟悉議會環境及運作,兩人都算有一段師徒情誼,點知依家變成仇家。
葉盼理順議員關係
陳少棠接受查詢時就話傳言「無聊」,稱自己就算唔同葉食飯,自己都要食,又話同葉傲冬關係同以前一樣喎!至於葉傲冬就話唔評論事件,不過坦言希望理順議員之間嘅關係。佢話理解議員各有各忙,未必出席飯局都屬正常。佢又話,隨時歡迎同陳少棠夾個時間食餐飯喎。
講到尾,陳少棠搞咁多花臣,都係為咗啖氣,要化解,就要睇嚇葉傲冬有冇足夠嘅政治智慧去拆解喇!
原文地址:http://orientaldaily.on.cc/cnt/news/20170607/00176_096.html

分享博文至:

    目前没有评论

发表评论